బాలీవుడ్ సినిమాపై కన్నేసిన బాలయ్య..ఆ టైటిల్ తో వస్తారట.!

balakrishna to remake bollywood movie hindhi medium
balakrishna to remake bollywood movie hindhi medium

నటసింహం బాలకృష్ణ టాలీవుడ్ లో కుర్ర హీరోలకు పోటీ ఇస్తూ వరుస సినిమాల్లో నటిస్తుంటారు. అంతేకాకుండా కుర్ర హీరోలకు తాను ఎక్కడా తక్కువ కాదని ఊర మాస్ ఫైట్ లు..డ్యాన్స్ లతో అలరిస్తుంటారు. ఇక ప్రస్తుతం బాలకృష్ణ బోయపాటి శ్రీను దర్శకత్వంలో ఓ సినిమాలో నటిస్తున్నారు. ఈ చిత్రానికి గాడ్ ఫాదర్ అనే టైటిల్ ను ఖరారు చేశారు. ఈ చిత్రంలో అఖిల్ తో అభిమానులను ఆకట్టుకున్న సాయేషా సైగల్ హీరోయిన్ గా నటిస్తుంది.

ఇప్పటికే బాలయ్య బోయపాటి కాంబినేషన్ లో వచ్చిన రెండు సినిమాలు సూపర్ డూపర్ హిట్స్ అవ్వడంతో ఈ సినిమాపై కూడా భారీ అంచనాలు ఉన్నాయి. ఈ చిత్రం మే లో ప్రేక్షకుల ముందుకు రానుంది. ఇదిలా ఉండగా ఈ సినిమా తరవాత బాలయ్య బాలీవుడ్ సినిమా “హిందీ మీడియం” రీమేక్ లో నటించబోతున్నారట. హిందీలో ఇర్ఫాన్ ఖాన్, రాధిక మదన్, కరీనా కపూర్ ప్రధాన తారాగణంగా ఈ సినిమా తెరకెక్కింది. అయితే “తెలుగు మీడియం” పేరుతో బాలయ్య రాబోతున్నట్టు తెలుస్తుంది.