బండ్ల గణేష్ దత్తత తీసుకున్న అమ్మాయి ఇప్పుడు ఎలా ఉందో చూడండి..

బ్లాక్ బస్టర్ ప్రొడ్యూసర్ బండ్ల గణేష్ అనగానే సంచలనం..కమెడియన్ గా చిత్రసీమలో అడుగుపెట్టి, అతి తక్కువ టైం లోనే స్టార్ ప్రొడ్యూసర్ గా మారారు. పవన్ కళ్యాణ్ , ఎన్టీఆర్ , రామ్ చరణ్, అల్లు అర్జున్ , రవితేజ వంటి అగ్ర హీరోలతో సినిమాలు చేసారు.ఇక పవన్ కళ్యాణ్ కు వీరాభిమాని అయినా గణేష్..స్టేజ్ ఫై పవన్ కళ్యాణ్ ఫై తన అభిమానాన్ని ఎప్పటికప్పుడు వ్యక్తం చేస్తుంటారు.

ఇది పక్కన పెడితే.. బండ్ల గణేష్ ఓ నేపాలీ అమ్మాయిని దత్తత తీసుకున్న సంగతి చాలామందికి తెలిసి ఉండదు. తాను దత్తత తీసుకున్న సంగతి స్వయంగా ఆయనే తెలుపడం జరిగింది. ఈ అమ్మాయి ఎక్కడో నేపాల్‌లో పుట్టింది. నెల రోజుల వయసున్నప్పుడు మా ఇంటికి వచ్చింది. నాకు నా కూతురెంతో ఈ చిన్నారి కూడా అంతే. నాకు విచిత్రమనిపిస్తుంటుంది.. కొంతమంది కుక్క పిల్లలను పెంచుకుంటారు… వాటి కోసం ఎంతో ఖర్చు చేస్తారు. ఈ చిన్నారిని మొదటిసారి చూసినప్పుడు మా ఆవిడ ఆమె వద్దకు వెళ్లి అడిగిందట… చిన్నారికి ఏ ఆహారం పెడుతున్నావని.

ఏం లేవమ్మా… నా పాలే ఇస్తున్నానని చెప్పిందట. అది రాత్రి సమయం… చిన్నారి ఏడుస్తోంది. అప్పుడు మా ఆవిడ నాతో చెప్పింది… ఈ చిన్నారిని నువ్వు తీసుకోమని. ఈరోజు మా ఇంట్లో వాళ్లందరినీ రేయ్ అనే స్థాయికి వచ్చింది. మా కొడుకులను కూడా డిక్టేట్ చేస్తుంది.’ అని నవ్వుతూ బండ్ల గణేష్ ఆ మధ్య చెప్పుకొచ్చారు. ఇప్పుడు ఈ అమ్మాయి ఎంతో చలాకీగా ఉంది. ఇంట్లో సరదాగా అటు ఇటు తిరుగుతూ..అల్లారు ముద్దుగా పెరుగుతుంది. ఓ యూట్యూబ్ ఛానల్ వారు స్వయంగా గణేష్ ఇంటికి వెళ్లి ఈ చిన్నారిని ఫ్యాన్స్ కు చూపించే ప్రయత్నం చేసారు.