టాలీవుడ్ లో మరో విషాదం..సీనియర్ నటుడు చలపతి రావు కన్నుమూత
చిత్రసీమలో వరుస విషాదాలు ఆగడం లేదు. ఒకరి తర్వాత ఒకరు మరణిస్తూనే ఉన్నారు. మొన్నటికి మొన్న సీనియర్ నటుడు కైకాల సత్యనారాయణ మరణించగా..ఈరోజు మరో సీనియర్ నటుడు చలపతి రావు (78) గుండెపోటుతో మరణించారు. ఆదివారం తెల్లవారు జామున గుండెపోటుతో హైద‌రాబాద్‌లోని త‌న నివాసంలో ఆయన క‌న్నుమూశారు. 1200కి పైగా చిత్రాల్లో తనదైన నటన తో ఆకట్టుకునే ఈయన్ను..చిత్రసీమలో ముద్దుగా బాబాయ్ అని పిలుస్తుంటారు.
1944 మే 8న కృష్ణా జిల్లా బ‌ల్లి ప‌ర్రులో చలపతిరావు జ‌న్మించారు. ఈయ‌న‌కు ఇద్ద‌రు కుమార్తెలు, ఓ కుమారుడు ఉన్నారు. ప్రస్తుతం ఈయన పార్థివదేహాన్ని MLA కాలనీ లోని ఆయన కుమారుడు రవి బాబు ఇంట్లో ఉంచడం జరిగింది. అమెరికా లో ఉంటున్న ఆయన కుమార్తెలు రాగానే మహా ప్రస్థానంలో అంత్యక్రియలు జరపనున్నారు. చలపతిరావు మరణ వార్త తెలిసి సినీ ప్రముఖులు , అభిమానులు కడసారి చూసేందుకు క్యూ కడుతున్నారు.
Tags
Related News
