రవితేజ గురించి మెగాస్టార్ చిరంజీవి షాకింగ్ కామెంట్స్

మెగాస్టార్ చిరంజీవి షాకింగ్ కామెంట్స్ చేసారు. అసలు రవితేజ లేకపోతే వాల్తేర్ వీరయ్య అనేదే లేదన్నారు. మెగాస్టార్ చిరంజీవి – బాబీ కలయిక లో శృతి హాసన్ హీరోయిన్ గా..రవితేజ కీలక పాత్రలో తెరకెక్కిన మూవీ వాల్తేర్ వీరయ్య. మైత్రి మూవీ మేకర్స్ నిర్మాణంలో తెరకెక్కిన ఈ మూవీకి దేవి శ్రీ సంగీతం అందించారు. సంక్రాంతి కానుకగా ప్రేక్షకుల ముందుకు రాబోతుండడం తో చిత్ర యూనిట్ సినిమా ప్రమోషన్ కార్య క్రమాలను స్పీడ్ చేసారు. మంగళవారం చిత్ర ప్రెస్ మీట్ నిర్వహించగా..అందులో చిరంజీవి పలు ఆసక్తికర విషయాలు తెలిపారు. అయితే రవితేజ గురించి తక్కువ మాట్లాడేసరికి అంత అనేక రకాలుగా మాట్లాడుకోవడం మొదలుపెట్టారు.

ఇది గ్రహించిన చిరు..తన ట్విట్టర్ ద్వారా రవితేజ గురించి చెప్పుకొచ్చారు. ‘వాల్తేరు వీరయ్య సినిమా కోసం ఈరోజు మీడియా ప్రతినిధులతో ఏర్పాటు చేసిన ప్రెస్ మీట్ ఎంతో ఆహ్లాదకరంగా సాగింది..ఈ చిత్రం షూటింగ్ జరుగుతున్నా సమయం లో టీం మొత్తం తమ అనుభవాలను పంచుకోవడం చాలా చక్కగా అనిపించింది..అయితే నాలో ఎక్కడో తెలియని అసంతృప్తి నెలకొంది..ఈ చిత్రానికి అత్యంత కీలకమైన వ్యక్తి..వీరయ్య కి ఆప్తుడు..నా తమ్ముడు రవితేజ గురించి ఎందుకో తక్కువగా మాట్లాడాను అని నాకు అనిపించింది..ప్రీ రిలీజ్ ఈవెంట్ ని దృష్టిలో పెట్టుకొని మాట్లాడడం వల్ల నా తమ్ముడు రవితేజ గురించి సరిగా మాట్లాడే అవకాశం రాలేదు..అందుకే ఈ ట్వీట్ వేస్తున్నాను..నేను అడగగానే వెంటనే రవితేజ ఒప్పుకోవడం , అతనితో కలిసి మళ్ళీ ఇన్నేళ్ల తర్వాత నటించడం నాకు ఎంతో థ్రిల్లింగ్ గా అనిపించింది..ఒకవేళ రవితేజ ఈ సినిమా ఒప్పుకోకపోయ్యుంటే ‘వాల్తేరు వీరయ్య’ చిత్రం అసంపూర్ణంగానే ఉండేది..డైరెక్టర్ బాబీ రవితేజ పాత్రని అద్భుతంగా తీర్చి దిద్దాడు..అతను మొదటి నుండి చెప్తూ వస్తున్న పూనకాలు లోడింగ్ లో రవితేజ పాత్ర చాలా కీలకం..ఆ విషయాలు మనం త్వరలోనే మాట్లాడుకుందాం’ అంటూ చిరంజీవి ట్విట్టర్ లో ట్వీట్ చేసారు.