నాగార్జున కు షాక్ ..అక్రమ నిర్మాణాన్ని ఆపాలంటూ నోటీసులు

కింగ్ నాగార్జున కు షాక్ ఇచ్చింది గోవా. అక్రమ నిర్మాణాలను వెంటనే ఆపాలంటూ నోటీసులు జారీచేసింది. తెలుగు చిత్రసీమ లో హీరో గా , నిర్మాత గా , బిజినెస్ మాన్ గా రాణిస్తున్న నాగార్జున..ఇటీవల నార్త్ గోవాలోని మాండ్రెమ్ గ్రామంలోని అశ్వేవాడ లో ఓ ఇంటిని నిర్మిస్తున్నారని..అయితే ఇది అక్రమ నిర్మాణమని వెంటనే నిర్మాణ పనులు ఆపాలంటూ గ్రామస్థులు నోటీసులు పంపించారు.

గ్రామ పరిధిలోని ఈ నిర్మాణ పనులకు అధికారుల నుంచి నాగార్జున సరైన అనుమతి తీసుకోలేదు. దీంతో మాండ్రేమ్ పంచాయతీ సర్పంచ్ అమిత్ సావంత్ గోవా పంచాయితీ రాజ్ చట్టం 1994 కింద ఆయనకునోటీసు జారీ చేశారు. వెంటనే పనులు నిలిపివేయకుంటే చర్యలు తీసుకుంటామని సదరు నోటీసుల్లో పంచాయతీ అధికారులు నాగ్‌ను హెచ్చరించారు. మరి దీనిపై నాగ్ ఎలా స్పందిస్తారో చూడాలి.