బెదురులంక నుండి డీజే టిల్లు బ్యూటీ ఫస్ట్ లుక్
డీజే టిల్లు మూవీ తో యూత్ ను కట్టిపడేసిన నేహా శెట్టి..తాజాగా RX100 ఫేమ్ కార్తికేయ తో బెదురులంక 2012 అనే మూవీ చేస్తుంది. ఈ మూవీ తాలూకా ఆమె ఫస్ట్ లుక్ ను మేకర్స్ రిలీజ్ చేసారు. లౌక్య ఎంటర్‌టైన్మెంట్స్ బ్యానర్‌పై కలర్ ఫొటో ఫేమ్ రవీంద్ర బెనర్జీ ముప్పనేని నిర్మిస్తున్న చిత్రానికి క్లాక్స్ దర్శకత్వం వహిస్తున్నాడు.
ప్రస్తుతం షూటింగ్ జరుపుకుంటున్న ఈ మూవీ వచ్చే ఏడాది ప్రారంభంలో రిలీజ్ కానుంది. కాగా ఇందులో ఫిమేల్ లీడ్‌గా నటిస్తున్న నేహా శెట్టి పుట్టిన రోజును పురస్కరించుకుని సోమవారం మూవీ నుంచి ఆమె ఫస్ట్ లుక్ విడుదల చేస్తూ విషెస్ తెలియజేశారు మేకర్స్. ఈ పోస్టర్ లో నేహా పింక్ కలర్ శారీలో ట్రెడిషనల్‌గా కనిపిస్తోంది. కానీ సినిమాలో ఆమె పాత్ర చాలా డిఫరెంట్‌గా ఉంటుందని యూనిట్ చెపుతున్నారు. ఇదే క్రమంలోనే ఆమెను అందం, అభినయం కలబోతగా పేర్కొన్నాడు దర్శకుడు క్లాక్స్. ఈ చిత్రంలో శివ క్యారెక్టర్ చేస్తున్న కార్తికేయ వైఫ్ చిత్ర పాత్రలో నేహా నటిస్తున్నట్లుగా తెలిపారు.
ఇక ఈ చిత్రంలో ప్రముఖ నటుడు అజయ్ ఘోష్, కమెడియన్ సత్య, శ్రీకాంత్ అయ్యంగార్, గోపరాజు రమణ, ఎల్‌బీ శ్రీరామ్, ఆటో రాంప్రసాద్, రాజ్ కుమార్ కాశిరెడ్డి, సురభి ప్రభావతి, కిట్టయ్య, అనితా నాథ్, దివ్య నార్ని తదితరులు నటిస్తుండగా , మణిశర్మ మ్యూజిక్ అందిస్తున్నారు.
