మాస్ రాజా ఫ్యాన్స్ ను ఫిదా చేసిన శ్రీలీల

రవితేజ – శ్రీలీల జంటగా తెరకెక్కిన ధమాకా మూవీ ఈ వారం ప్రేక్షకుల ముందుకు రాబోతుంది. ఈ క్రమంలో చిత్ర ప్రమోషన్ లో భాగంగా ప్రీ రిలీజ్ వేడుకను ఆదివారం హైదరాబాద్ లో అట్టహాసంగా జరిపారు. ఈ వేడుకలో శ్రీలీల మాట్లాడుతూ..మాస్ రాజా ఫ్యాన్స్ ను ఫిదా చేసింది.

రవితేజ గారికి నేను పెద్ద అభిమానిని అని చాలా అంకిత భావంతో పని చేసే హీరో ఆయన అని వెల్లడించింది. అంతే కాకుండా ఒక ఫైట్ సీక్వెన్స్ లో రవితేజకు గాయమైన విషయాన్ని కూడా బయటపెట్టింది. గాయం కారణంగా ఆయనకు కాలికి 12 కుట్లు పడ్డాయని ఆ గాయాన్ని లెక్క చేయకుండా రవితేజ ‘దండకడియాల్’ సాంగ్ షూట్ లో పాల్గొన్నారని ఒక మెడికల్ స్టూడెంట్ గా ఆ గాయం ఎంతగా బాధిస్తుందో తనకు తెలుసునని అయితే పాటలో ఎక్కడా ఆ గాయం బాధని కనిపించకుండా రవితేజ నటించారని అది మీరు గుర్తుపడితే నా పేరు మార్చుకుంటానని అభిమానులతో సవాల్ చేసింది.