విజయ్, పూరి సినిమా అప్డేట్..!
రౌడీ హీరో విజయ్ దేవరకొండ ప్రస్తుతం పూరిజగన్నాథ్ దర్శకత్వంలో ఓ సినిమా చేస్తున్న సంగతి తెలిసిందే. పూరి కనెక్ట్స్ బ్యానర్ పై ఛార్మి తో కలిసి పూరిజగన్నాథ్ ఈ సినిమాను పాన్ ఇండియా రేంజ్ లో నిర్మిస్తున్నారు. సినిమాలో విజయ్ సరసన బాలీవుడ్ బ్యూటీ అనన్య పాండే హీరోయిన్ గా నటిస్తోంది. సినిమాకు మణిశర్మ సంగీతం అందిస్తున్నారు. ఈ సినిమా షూటింగ్ ఇప్పటికే 80 శాతం పూర్తయినట్టు సమాచారం. విజయ్ ఈ సినిమాలో ఫైటర్ గా కనిపించనున్నారు. దానికోసం ఇప్పటికే మరింత ఫిట్నెస్ ను పెంచుకున్నారు.
ఇదిలా ఉండగా తాజాగా ఈ సినిమాపై చిత్ర యూనిట్ కీలక అప్డేట్ ఇచ్చింది. సినిమా టైటిల్, ఫస్ట్ లుక్ పోస్టర్ ను రేపు విడుదల చేస్తామని ప్రకటించింది. సినిమాకు భాషా బేధాలు ఉండవని…మంచి కథ, కథనాలు ఉంటే ప్రేక్షకులు సినిమాను ఆదరిస్తారని అధికారిక ప్రకటన విడుదల చేసారు.
ఈ ప్రకటన ను హిందీలో సినిమాను విడుదల చేస్తున్న ధర్మ ప్రొడక్షన్ తో పాటు…పూరి కనెక్ట్స్ వారు రిలీజ్ చేశారు. విజయ్ పూరి కాంబినేషన్ లో తెరకెక్కుతున్న ఈ సినిమాపై ప్రేక్షకుల్లో భారీ అంచనాలు ఉన్నాయి. మరోవైపు ఈ సినిమా టైటిల్ ను “ఫైటర్” అంటూ కొన్ని రోజులుగా సోషల్ మీడియాలో ప్రచారం జరుగుతోంది. మరి ఈ క్రేజీ కాంబినేషన్ కు ఎలాంటి టైటిల్ ఫిక్స్ చేశారో తెలియాలంటే రేపటి వరకు ఆగాల్సిందే.
Tags
Related News
నాని డైరెక్టర్ ను నమ్ముకున్న విజయ్ దేవరకొండ ..?
రాఖీబాయ్ తో పూరీ..ఆ బ్యాక్ డ్రాప్ లో సినిమా..?
సెప్టెంబర్ 9న రింగులోకి దిగుతున్న “లైగర్”.!
విజయ్ “లైగర్” లా వచ్చేసాడు..!
